شێوازێكی نوێی هاککردنی فەیسبووک هاتووەتە ئاراوە كە بەبێ ئەوەی خۆت ئاگاداربیت دەكرێت، بەڵام چۆن؟
ئەم شێوازەی هاككردن لە ڕێگەی كۆمێنتەوە دەكرێت، بەبێ ئەوەی خۆت ئاگاداربیت، كۆمێنت بە ناوی هەژمارەكەی تۆوە بۆ هاوڕێكانت دەنووسرێت و زیاتر كۆمێنتی نەشیاو و سووكایەتیپێكردن، ناوزڕاندن و ناوەڕۆكی ڕقاویین.
بەپێی وتەی شارەزایان، خاوەنی هەژمارەكە نازانێت بە ناوی ئەوەوە كۆمێنت نووسراوە، چونكە كۆمێنتەكان نابینێت و بە پێچەوانەوە هاوڕێكانی كە كۆمێنتەكانیان بۆ كراون دەیانبینن و دەیانخوێننەوە.
شارەزایان هۆشداریدەدەن لەوەی ئاگاداری هەژماری فەیسبووكەكەت ببیت و پێشوەختە هاوڕێكانت ئاگاداربكەیتەوە لەوەی تۆ بەرپرسیارنیت لە كۆمێنتی لەو جۆرە، بۆ ئەوەی دووربیت لە كێشمەكێش و لێكترازانی كۆمەڵایەتی و تەنانەت كێشەی یاسایی.
