میدیاکانی ئێران بڵاویانکردەوە بەرپرسێکی باڵای هێزی دەریایی ئێران لەکاتی ئەرکدا کوژراوە و شێوانی کوشتنەکەشی گوماناوییە.
ئاژانسی فارس نیوزی ئێرانی بڵاویکردەوە، ئەو بەرپرسە ئێرانییە ناوی پیت ئیلیە دیفسلار بووە و لەکاتی ئەرکدا بووە کوژراوە.
بەپێی ئاژانسەکە ئەمڕۆ مەراسیمی بەخاکسپاردنەکەی لە شاری بوشەهری ئێرانەوە بەرەو مەیدانی ئازادی لە تاران بەڕێدەکرێت.
لەگەڵ ئەوەشدا ئاژانسەکە باسی لە هۆکاری مردنەکەی نەکردووە، جگە لەوەی بەشێوەیەکی گوماناوی بووە.
ئەمە لەکاتێکدایە کوژرانی کەسایەتی و بەرپرسانی ئێرانی لە ماوەی چەند مانگی ڕابردوودا بەشێوەیەکی بەرچاو زیادیکردووە، هەموو جارێکیش ئێران دوای ڕووداوەکان ئیسرائیل بە ئەنجامدانیان تۆمەتباردەکات.
