دەستەی باڵای هەڵبژاردنەکانی تورکیا بڵاویکردەوە، پرۆسەی جیاکردنەوەی دەنگەکان کۆتایی هاتووە و گەڕی دووەمی هەڵبژاردنەکان ئەنجام دەدرێت.
دەستەی هەڵبژاردنەکانی تورکیا ئەمڕۆ دووشەممە بڵاویکردەوە، “رێژەی %100 ی دەنگەکانی هەڵبژاردنەکانی تورکیا جیاکراونەتەوە، رەجەب تەیب ئەردۆگان کاندیدی هاوپەیمانیی کۆمار %49.51ی دەنگەکانی بەدەستهێناوە، لەبەرامبەردا رکابەرەکەی کەمال کلیچدار ئۆغلو رێژەی %44.88 ی دەنگەکانی بەدەستهێناوە”.
ئاشکراشیکرد، “رۆژی 28 ی ئەم مانگە گەڕی دووەمی هەڵبژاردنەکان لە نێوان رەجەب تەیب ئەردۆگان و کەمال کلیچدار ئۆغلو بەڕێوەدەچێت”.
