وەزارەتی تەندروستیی ئێران ئاماری قوربانیانی هێرشەکانی ئیسرائیلی ئاشکراکرد و جەختیکردەوە زۆرینەیان هاوڵاتیی مەدەنین.
وەزارەتی تەندروستیی ئێران بڵاویکردەوە، لە رۆژی هەینییەوە کە ئیـ.ـسرائیل هێرشەکانی بۆ سەر وڵاتەکە دەستپێکردووە هەزار و 800 هاوڵاتیی برینداربوون.
ئاماژەی بەوەشکرد، زۆرینەی قوربانییەکان هاوڵاتیی مەدەنین و هیچ پەیوەندییەکیان بە هیچ چالاکییەکی سەربازییەوە نەبووە.
ئاشکراشیکرد، سەرجەم پزیشکان و پەرستاران و کارمەندانی کەرتی تەندروستیی گەڕێندراونەتەوە سەر کارەکانیان، مۆڵەتی کارکردن راگیراوە و ئاگادارکراونەتەوە بە شێوەی هەمیشەیی لە نەخۆشخانەکاندا بمێننەوە بۆ چارەسەری برینداران.
