دوای ئەوەی یانەی ئینتەرمیلان لە بەدەستهێنانی ناسناوی خولی ئیتاڵیا لە وەرزی ڕابردوو بێبەش بوو، ئیدارەی یانەكە كەوتنە بەهێزكردنەوەی ڕیزەكانیان.
تا ئێستا یانەی ئینتەرمیلان چوار یاریزانی نوێی كڕیوە و لە پێنجەمیش نزیكبۆتەوە.
چوار یاریزانەكە لۆكاكۆ و ئۆنانا و میختاریان و ئەسلانی ن.
پێشبینیش دەكرێت لەگەڵ دیبالای ئەرجەنتینی بگاتە ڕیكەوتن و لە چەند ڕۆژی داهاتوودا بیگوازنەوە ڕیزەكانیان.
ئینزاگی ڕاهێنەر دڵخۆشە بەو گۆڕانكارییانەی لە یانەكەیدا كراوەو پێشبینی دەكات بۆ وەرزی نوێ لە هێڵی پێشەوە پشت بە لاوتارۆ مارتینێز و دیبالا و لۆكاكۆ ببەستێت.
