ڕۆژنامەی” ئێكسپرەسن”بەشێك لە ڕێككەوتنەكەی نێوان سوید و فینلەندا و توركیا بۆ چوونە نێو ڕێكخراوی ناتۆ بڵاودەكاتەوە كە زۆرینەی خاڵەكانی لێكتێگەیشتنەكە دژی یەپەگە، پەیەدە و بزوتنەوەی گویلەن كە هەرسێ وڵات ڕێككەوتوون لەسەری.
ڕۆژنامەكە بڵاویكردووەتەوە، وەك چاوەڕوان دەكرا باجی چوونی سوید و فینلەند بۆ نێو ناتۆ دەبێت كورد بیدات و توركیاش بەو مەرجە ڕازی بووە كە ئەو دوو وڵاتە ببنە ئەندام لە ناتۆدا كە پشتیوانی تەواوی توركیا دەكەن لەمەوبەدوا ئیتر یارمەتی یەپەگە، پەیەدە و بزوتنەوەی گویلەن نەدەن لە دژی چالاكییەكانی پەكەكە لايەنە كوردییەكان و هەموو ئەوانەشی لە لایەن توركیاوە وەك ڕێكخراوی تیرۆریست ناسراون، سوید و فینلەندا پشتیوانیان بكات لەگەڵ ئەوەشدا دەبێت گەمارۆی چەك لەسەر توركیا هەڵبگیرێت.
لە بڕگەیەكی دیكەی ڕێككەوتنەكەدا هاتووە، هاوكارییەكی هەمە لایەنە لە نێوان سوید و فینلاند و میتی توركیا لە دژی ئەو لایەنانە دەستپێدەكات كە بە تیرۆریست ناویان دەبات.
بڕگەیەكی دیكەی ڕێككەوتنە پێویستە لەسەرسوید و فینلەندا دژی پەكەكە و ڕێكخراوەكانی دیكە بوەستنەوە كە توركیا بە تیرۆریست ناویان دەبات و دەبێت سوید و فینلاند ڕێگەنەدەن بە بڵاوكردنەوەی ئەو بابەتانەی كە توركیا ناوی ناون دژەزانیاری و نابێت هیچ بابەتێك دژی توركیا بڵاوبكەنەوە.
