وەزیری ئاوەدانكردنەوە و نیشتەجێكردنی هەرێم ڕایدەگەیەنێت، پڕۆژەی هێڵی ئاسنین دەخەینە قۆناغی جێبەجێكردنەوە و ئاشكرایدەكات لە كابینەی نۆیەمدا 60 پڕۆژەی بواری ڕێگەوبان جێبەجێكراون.
دانا عەبدولكەریم، وەزیری ئاوەدانكردنەوە و نیشتەجێكردنی هەرێم لە كۆنگرەیەكی ڕۆژنامەوانیدا ڕایگەیاند، لە كابینەی نۆیەمدا 60 پڕۆژەی بواری ڕێگەوبان جێبەجێكراون كە نزیكەی هەزار و 200 كیلۆمەتر پڕۆژەی بواری ڕێگەوبان بووە و وتیشی،” پڕۆژەی هێڵی ئاسنین دەخەینە قۆناغی جێبەجێكردنەوە و گرێبەستی تایبەتی بۆ ئەنجامدراوە”.
ئاشكرایكرد، زیاتر لە 9 هەزار یەكەی نیشتەجێبوون تەواودەكرێن و بەسەر هاوڵاتییاندا دابەشدەكرێن و سندوقی نیشتەجێبوون كارادەكرێتەوە و حكومەت ڕێنمایی نوێ لەو بارەیەوە دەردەكات.
وەزیری ئاوەدانكردنەوە ڕاشیگەیاند، “پێشنیازكراوە مانگانە 10 ملیۆن دۆلار لە داهاتی نەوت بۆ پڕۆژەكانی ڕێگەوبان تەرخانبكرێن“.
