كەشناسیی هەرێم پێشبینی كردووە، ئەمڕۆ باران ببارێت و “لە ناوچە شاخاوییەكانی هەندێك پارێزگای هەرێمیش ئەگەری بارینی بەفر دەبێت”.
بەڕێوبەرایەتیی كەشناسی و بومەلەرزەزانیی هەرێم پێشبینییەكانی كەشوهەوای بڵاوكردەوە، ئەمڕۆ پێنجشەممە 14ی كانونی دووەم، لە پارێزگاكانی هەولێر و سلێمانی و دهۆك باران دەبارێت و لە ئێوارە و شەویشدا لە ناوچە شاخاوییەكان بەفر دەبارێت.
هەروەها پێشبینیی كردووە، سبەی هەینی لە بەیانیدا لە زۆربەی شارەكانی هەرێمی كوردستان باران ببارێت و لە دوانیوەڕۆدا ئاسمان بگۆڕێت بۆ نیمچەهەور.
