نیوەڕۆی ئەمڕۆ هێلیکۆپتەرێک لە سنووری ناحیەی گوێر کەوتەخوارەوە و جگە لە زیانی ماددی هیچ زیانێکی گیانی بەدواوە نەبووە.
بەپێی زانیارییەکانی تۆڕی میدیایی ئێستا، “نیوەڕۆی ئەمڕۆ هێلیکۆپتەرێکی هێزەکانی هاوپەیمانان لە گوندی گەڵاسوورانی سەر بە ناحیەی گوێری پارێزگای هەولێر کەوتووەتە خوارەوە”.
هەر بەپێی زانیارییەکان، “لە رووداوەکەدا هێلیکۆپتەرەکە تێکشکاوە، بەڵام زیانی گیانی بەدواوە نەبووە”.
تا ئێستا هێزەکانی هاوپەیمانان زانیارییان لەبارەی هۆکاری رووداوەکەوە ئاشکرانەکردووە.
