هەپەگە كوژرانی 17 سەربازی دیكەی توركیای لە زاپ و مەتینا ڕاگەیاند، دەشڵێت، سوپای توركیا 13 جاری تر چەكی كیمیایی بەكارهێناوە.
ناوەندی ڕاگەیاندن و چاپەمەنی هێزەكانی پاراستنی گەل – هەپەگە لە ڕاگەیەندراوێكدا ئاماژەی بەوەكردووە،
لە ئەنجامی چەند چالاکیەکدا لە هەرێمەکانی مەتینا و زاپ و ئاڤاشین 17 سەربازی توركیا كوژراون و زیانێکی زۆریشیان بەركەوتووە.
هەپەگە باسی لەوەشكردووە، سوپای تورکیا 23 جار بەفڕۆکە و 25 جاریش بە هێلیکۆپتەرهێرشیان کردووەتە سەر هەرێمەکانی پاراستنی مەدیا و 13 جاریش گازی ژەهراویان بەکارهێناوە.
لە بەشێكی دیكەی ڕاگەیەندراوەكەدا هاتووە، سوپای توركیا تونێلەکانی شەڕی بە چەکی کیمیایی بۆردوومان کردووە و چەندین جاریش بە فڕۆکە و هێلیکۆپتەر هێرشی کردووە.
