کۆبوونەوەى بافڵ جەلال تاڵەبانی، سەرۆکی یەکێتیی نیشتمانیی کوردستان و تۆبیاس لیندنەر، وەزیری دەوڵەتی ئەڵمانیا بۆ کاروباری دەرەوە دەستیپێکرد.
کۆبوونەوەکە بەر لە دەستپێکردنى کارەکانى كۆنفرانسی ئاسایشی میونشن 2025-ە کە بڕیارە ئەمڕۆ بە بەشداریى چەندین كەسایەتیی سیاسی و سەرۆك و سەركردەكانی جیهان دەستپێبکات.
بافڵ جەلال تاڵەبانی، سەرۆكی یەكێتیی نیشتمانیی كوردستان بانگهێشتی كۆنفرانسەکە کراوە و بڕیارە لەمیانەیدا چەندین كۆبوونەوە و دیداری سیاسی و دیپلۆماسی لەسەر ئاستی بەرپرسانی باڵای وڵاتان و سەركردەی سیاسی، سەربازی، ئەمنی و ئابوری ئەنجامبدات.
