شارەوانیی سلێمانی رایدەگەیەنێت، هەڵمەتی نۆژەنكردنەوە و قیرتاوكردنی شەقام و كۆڵانەكان بەردەوامە و ئەم هەفتەیە چەند شوێنێك قیرتاوكران و نۆژەنكردنەوە لە چەند شەقامێكی دیكەش ئەنجامدراوە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، هەڵمەتی ئەم هەفتەیەی قیرتاوكردن بۆ شەقام و كۆڵانەكانی گەڕەكی شێخ محێدین ئەنجامدرا كە نزیكەی 40،000 مەتر دووجایە.
لە راگەیەندراوەكەدا هاتووە، چاككردنی چاڵ و ئاستەنگەكانی شەقامی قەنات، شەقامی نزیك پاركی ئازادی، شەقامی ژێرپردی شاری جوان، قیرتاوكردن و چاككردنی شوێنی ئاوەڕۆ لە شەقامی هەواری شار ئەنجامدراون.
