بەڕێوەبەری كۆمپانیای بێشكان دەڵێت، پەشیمانم لە وەرگرتنی پڕۆژەی ڕێگەی سەرەكیی كەلار -دەربەندیخان و ئاشكرایدەكات سكاڵای لە دادگە لەسەر تۆماركراوە لەكاتێكدا لە بری قازانج زەرەرمەند بووە.
عوسمان حەمەسەعید، بەڕێوەبەری كۆمپانیای بێشكان لە لێدوانێكدا بە تۆڕی میدیایی ئێستای ڕایگەیاند، تائێستا 55%ی ڕێگەی سەرەكیی كەلار – دەربەندیخان تەواوبووە و 65 ملیار دیناری لەلایەن حكومەتی هەرێمەوە بۆ تەرخانكراوە و پێویستی بە 65 ملیار دیناری دیكە هەیە.
ئاشكرایكرد، لەبری قازانجكردن زەرەرمەندبووە و زۆرینەی ئامێرەكانی لەو ڕِێگە لەكاركەوتوون و بودجەی بۆ تەرخانناكرێت و ئەمڕۆش لە دادگا لەسەر وەرگەڕانی ئۆتۆمبێلێك و زەرەرمەندبوونیان بانگێشتكراوە.
