دوای دەستلەكاركێشانەوەی پەرلەمانتارانی فراكسیۆنی سەدر لە ئەنجومەنی نوێنەرانی عێراق و پەسەندكردنی لەلایەن محەمەد حەلبووسی سەرۆكی ئەنجومەنی نوێنەرانەوە، موقتەدا سەدر بڕیاریدا زۆرینەی دام و دەزگاكانی سەر بە ڕەوتەكەی دابخات.
نووسینگەی موقتەدا سەدر، ڕێبەری ڕەوتی سەدر ڕاگەیەندراوێكی بڵاوكردەوە و تێیدا هاتووە، بەپێی ڕێنماییەكانی موقتەدا سەدر، بڕیاردراوە زۆربەی دام و دەزگاكانی ڕەوتەكە دابخرێن جیا لەمانەی خوارەوە:-
یەكەم/ دەزگای (مەرقەد)ـی پیرۆز بەتەواوی بەشە كارگێرییەكانییەوە
دووەم/ نووسینگەی (ئەلشەهید) لە نەجەف
سێیەم/ نووسینگەی تایبەت
چوارەم/ دەستەی شوێنەوار
پێنجەم/ پڕۆژەی (بونیان مەرسووس)
شەشەم/ مۆزەخانەی (شەهید)
ئاماژە بەوەشكراوە، تەنها ئەو 6 دامەزراوەیە دەتوانن لە كارەكانیاندا بەردەوامبن و تائێستا چارەنووسی هێزەكانی سەرایا سەلام بەنادیاری ماوەتەوە.
