محەمەد شیاع سودانی، سەرۆک وەزیرانی عێراق لە چاوپێکەوتنێکی تەلەفزیۆنیدا رایگەیاند، دەستوەردان لە کاروباری سوریا ناکەین و رژێمی بەشار ئەسەدیش هیچ داواکارییەکی لە عێراق نەکردووە و ئەو قسانەی باس لەوەش دەکەن ماهر ئەسەد دوای روخانی رژێمی سوریا هاتووەتە عێراق، راست نین.
محەمەد شیاع سودانی جەختیشی کردەوە کە عێراق رێگە بە هاتنە ناوەوەی چەک و گروپە چەکدارەکان لە سوریاوە نادات، راشیگەیاند، پەرۆشن بۆ هەماهەنگی لەگەڵ سوریا بۆ کۆنترۆڵکردنی سنوورەکان.
سەرۆک وەزیرانی عێراق دەشڵێت، “حکومەتی عێراق و هێزه سیاسییه کان رێککەوتوون که دەستوردان له کاروباری سوریا نەکەن و بەشێک نابین لە دەستوەردانی ئاسیشی ئەو وڵاتە.”
سەبارەت بە کاروباری ناوخۆی عێراق، سودانی باسی لەوەکرد، لەگەڵ هێزە سیاسییەکان کاردەکەین بۆ جێبەجێکردنی ئەو یاسایەی چەک بەدەست دەوڵەتەوە بێت و کار لەسەر رێگایەکی روون و دیالۆگێکی نیشتمانی بەرپرسیارانە دەکەین بۆ ئەو مەبەستە.
