شاژنە ئیلیزابێس دەبێتە دووەمی ئەو پاشایانەی درێژترین ماوەی حکومڕانییان هەیە

شاژنە ئیلیزابێس-ی بەریتانیا بووە دووەم لە ڕیزبەندیی ئەو پاشایانەدا کە بە درێژایی مێژوو زۆرترین ماوەی حکومڕانییان هەبووە.

بەپێی میدیا بەریتانییەکان، شاژنە ئیلیزابێس-ی دووەمی بەریتانیا پێشی پۆمیپۆن ئەدولیادیتا (ڕاما-ی چوارەم)ـی پاشای تایلاندی داوەتەوە، کە ساڵی 1927 تا 2016، واتە 70 ساڵ و 126 ڕۆژ حکومڕانیی کردووە.

بەم شێوەیە، شاژنەکەی بەریتانیا تەنیا دوو ساڵی ماوە بگاتە پلەی یەکەم، کە ئێستا هی لویس-ی چواردەیەم (1638-1715) پاشای فەرەنسایە و 72 ساڵ و 110 ڕۆژ حکومڕانیی کردووە.

جگە لەم ژمارە پێوانەییە، جێی ئاماژەیە، ئیلیزابێسی دووەم لە ماوەی شاژنێتییدا زیاتر لە 100 دەوڵەت گەڕاوە، لە سەروو 21 هەزار چالاکییدا بەشداربووە، ڕەزامەندیی لەسەر 4 هەزار یاسا دەربڕیوە و پێشوازیی لە زیاتر لە 112 سەرۆکی وڵاتان کردووە لە شاری لەندەن.