یانەی ئینتەر میلانی ئیتاڵی نزیک بووەتەوە لە کڕینی دوو یاریزانی لاوی بەتوانا و بەشدار لە خولی پلە یەکی ئیتاڵیا.
ڕۆژنامەنووس و شارەزای بواری گواستنەوەکان، فابریزیۆ ڕۆمانۆ ئاشکرای کردووە، ئیدارەی نێراتزۆری لەگەڵ یانەی ئیمپۆلی چووەتە سەرهێڵ بۆ گواستنەوەی کریستیان ئاسلانیی ئەلبانی، کە یاریزانێکی تەمەن 20 ساڵە و لە هێڵی ناوەند یاری دەکات، گفتوگۆکان لەو بارەیەوە هەنگاوی فراوانیان بڕیوە.
لەلایەکی دیکەوە دەستیان بە گفتوگۆکردن بۆ گواستنەوەی ڕائول بیلانۆڤای تەمەن 22 ساڵ لەگەڵ یانەی کالیەری کردووە، ئەم یاریزانەش بە هەمانشێوە لە هێڵی ناوەند یاری دەکات.
سەرچاوەکە جەختی لەوە کردووەتەوە، جگە لە دیبالا و ئاسلانی و بیلانۆڤا، گلیسۆن بریمەری بەرگریکاری یانەی تۆرینۆ یەکێکی دیکەیە لەو یاریزانانەی لە لیستی داواکراوانی ئینتەر میلاندا ناوی هاتووە.
