سەرباری چڕبوونەوەی شەپۆلی خۆڵبارین و نالەباریی كەشوهەوا، مامۆستایان و فەرمانبەرانی زانکۆی سلێمانی خۆپیشاندانیان ئەنجامدا و داواکاریی زیاتریان هەیە.
ئەمڕۆ سێشەممە مامۆستایان و فەرمانبەرانی زانکۆی سلێمانی لە بەردەم کەمپی ناوشاری زانکۆکە خۆپیشاندانیان ئەنجامدا و لە دروشمەكانیاندا سەرباری مووچە، داوای دەستپێکردنەوەی پلەبەرزکردنەوە دەکەن.
لە ماوەی ڕابردوودا مامۆستایان و فەرمانبەرانی زانکۆی سلێمانی چەند جارێك خۆپیشاندانیان ئەنجامدابوو كە سەرەتا بەهۆی دواكەوتنی دابەشكردنی مووچەی مانگی ئازارەوە بوو.
