بەڕێوەبەرایەتیی هاتوچۆی گەرمیان بڵاویکردەوە، لە رووداوێکی هاتوچۆدا کە لە جۆری پێکدادان بووە، کەسێک گیانیلەدەستدا کە شۆفێری ماتۆڕسکیل بووە.
بەپێی راگەیەندراوی هاتوچۆی گەرمیان، رووداوەکە لە ترافیک لایتی نزیک مزگەوتی بوخاری روویداوە و لە جۆری پێکدادان بووە لەنێوان ماتۆڕسکیلێک و ئۆتۆمبێلێکی جۆری نیسان پەترۆڵ بووە.
ئاماژە بەوەشکراوە، لە رووداوەکەدا کەسێک گیانیلەدەستداوە کە شۆفێری ماتۆڕسکیل بووە و لەدایکبووی 1996 بووە و دانیشتووی قەزای کەلار بووە.
هاتوچۆی گەرمیان دەڵێت، پاش رووداوەکە ئۆتۆمبێلەکه بەئاراستەی ناحیەی رزگاری رۆیشتوەتە سەر رێگای سەرەکی و لەشوێنی رووداوەکە نەماوە.
راشیگەیاندووە، لێکۆڵینەوە لە رووداوەکە لەلایەن تیمی هاتوچۆوە دەستی پێکردووە، بەمەبەستی زانینی هۆکاری رووداوەکە.
