کەمبوونەوەی ماوەی بینین بەهۆی شەپۆلی خۆڵبارینەوە، ئاسمانی فڕۆکهخانهی نێودهوڵهتیی هەولێری بەڕووی گەشتەکاندا داخست و لە سلێمانی گەشتەكان دەستیانپێكردەوە.
ئەمڕۆ سێشەممە بههۆی دووبارە دروستبوونەوەی شەپۆلی خۆڵبارین و کاریگەریی لەسەر کەمبوونەوەی ماوەی بینین، جارێکی تر گهشتهکانی فڕۆکهخانهی نێودهوڵهتیی سلێمانی بۆ ماوهیەکی کاتی ڕاگیران، وەك لە ڕاگەیەندراوێكی فڕۆكەخانەكەدا هاتبوو، بەڵام دواتر و لە ڕاگەیەندراوێكی تردا فڕۆكەخانەكە دەستپێكردنەوەی گەشتەكانی ڕاگەیاند.
دوێنێ بەهۆی شەپۆلی خۆڵبارینەوە گەشتەكانی فڕۆکهخانهی نێودهوڵهتیی سلێمانی ڕاگیران، دواتر بۆ ماوەیەكی كەم گەشتەكان دەستیانپێكردەوە، بەڵام دووبارە چڕبوونەوەی شەپۆلی خۆڵبارینەكە گەشتە ئاسمانییەكانی ڕاگرت و ئەمڕۆ جارێكی تر گەشتەكان دەستیانپێكردەوە، بەوەش بۆ چوارەم جار لە ماوەی 24 كاتژمێردا گەشتەكان ڕاگیران و دەستپێكرانەوە.
هەر ئەمڕۆ فڕۆكەخانەی نێودەوڵەتیی هەولێر ڕاگرتنی گەشتەكانی بەهۆی خۆڵبارینەوە ڕاگەیاند.
