شەپۆلێكی خۆڵبارینی چڕ كوەیت و سعودیەی گرتووەتەوە و ڕوو لە عێراق دەكات.
ئەمڕۆ سێشەممە شەپۆلێكی خۆڵبارینی چڕ كوەیتی گرتەوە و گەیشتە سعودیە و كەشوهەوای ئەو دوو وڵاتە گۆڕاون بۆ خۆڵبارینی تەواو و مەودای بینین كورتبووەتەوە، گەشتی فڕۆكەخانەكانیش ڕاگیراون.
دەستەی كەشناسیی عێراق ئاشكرایكرد، ئەو شەپۆلی خۆڵبارینە عێراق دەگرێتەوە و ڕۆژی هەینیی داهاتوو كاریگەرییەكانی دەردەكەون و خۆڵبارین سەرهەڵدەداتەوە.
بەپێی ڕاگەیەندراوی دەستەكە، سبەینێ چوارشەممە كاریگەرییەكانی خۆڵبارین كەمدەبنەوە و ئاسمان ڕوو لە ساماڵبوون دەكات، بەڵام پلەكانی گەرما بە بەراورد بە ئەمڕۆ سێشەممە بەرزدەبنەوە.
دەستەی كەشناسیی عێراق دەڵێت، لە ڕۆژی هەینییەوە جارێكی تر ڕادەی خۆڵبارین زیاددەكات و ئاسمانی سەرتاسەری عێراق تۆزاوی دەبێت و پلەكانی گەرما زیاتر بەرزدەبنەوە.
