پیاوێك هاوژینەكەی خۆی خنكاند و پۆلیسی كەركوك وردەكاریی تاوانەكە بۆ “ئێستا” ئاشكرادەكات.
دوانیوەڕۆی ئەمڕۆ پێنجشەممە، لە گەڕەکی پەنجا عەلی لە شاری کەرکوک، ژنێکی تەمەن 49 ساڵ لەلایەن هاوسەرەكەیەوە كە تەمەنی 50 ساڵە خنكێندرا.
عامر نوری وتەبێژی پۆلیسی کەرکوک بە تۆڕی میدیای ئێستای ڕاگەیاند، تۆمەتبارەکە خۆی ڕادەستی هێزەكانی پۆلیس کردووە و دانی بە تاوانەکەیدا ناوە.
وتەبێژی پۆلیسی کەرکوک لەبارەی هۆكاری تاوانەكەوە ڕوونكردنەوەی دا و وتی، “تۆمەتبارەكە دوای دەمەقاڵێ و مشتومڕ لەگەڵ هاوژینەكەیدا، دەستی خستووەتەملی هاوژینەكەی و خنکاندوویەتی”.
