ڕاگەیاندنەكان كۆكن لەسەر ئەوەی لیڤاندۆڤیسكی دەیەوێت ئەزمونی یاریكردن لەخولی ئیسپانیا تاقیبكاتەوەو دەشیەوێت پەیوەندی بە بەرشلۆنەوە بكات.
یانەی بایرن میونشن لەماوەی هەفتەیەكدا توانی نوێر و مۆلەر ڕازی بكات بە نوێكردنەوەی بۆندەكەیان.
بەڵام تا ئێستا نەگەیشتۆتە ئەنجامی كۆتایی بۆ نوێكردنەوەی بۆندی لیڤاندۆڤیسكی.
ڕاگەیاندنەكانی ئیسپانیا ئاشكرایانكردووە، ئیدارەی بەرشلۆنە ئامادەیە بە 30 ملیۆن یۆرۆ لیڤاندۆڤیسكی بگوازێتەوە ڕیزەكانییەوە.
پێشیان وتووە دەبیتە خاوەنی زۆرترین موچە لە یانەی بەرشلۆنە.
لیڤا لە ئێستادا سەرقاڵی كۆتایی هاتنی ڕكابەرییەكانی خولی ئەڵمانیایە و دەیەوێت بەزوترین كات داهاتووی خۆی یەكلایی بكاتەوە.
