سەرچاوەکانی هەواڵ لە بەریتانیا دووپاتی دەکەنەوە، نگۆلۆ کانتی و جۆرجینیۆ دوای کۆتاییهاتنی بۆندەکانیان ڕوو لە یانەیەکی دیکە دەکەن، ئەگەرێکی بەهێزیشە پێش وادەی دیاریکراو بفرۆشرێن.
گرێبەستی دوو ئەستێرەکەی چێڵسی، کانتی و جۆرجینیۆ لەهاوینی ساڵی 2023 کۆتاییدێت، بەڵام بەهۆی دروستبوونی کێشەی سزادانی ڕۆمان ئەبرامۆڤیچ و دوورخستنەوەیان لە بازاڕی گواستنەوەکان، لەوانەیە پێشوەخت بڕیار لە فرۆشتنیان بدرێت.
کانتی تەمەنی 31 ساڵە و جۆرجینهۆ گەیشتووەتە 30 ساڵ، بەتێپەڕبوونی کات نرخیان لە بازاڕی گواستنەوەکاندا کەم دەبێتەوە، بۆیە هەندێک لە بەڕێوەبەرانی چێڵسی بەباشترین دەرفەتیان زانیوە ئەم هاوینە دوو ناوەندکارەکە بفرۆشرێن و تێچووی فرۆشتنیان لە کڕینی یاریزانێک، یاخود دووانی لاودا بەکاربخرێتەوە.
