ئینستگرام تایبەتمەندییەكی نوێ زیاددەكات

ئینستگرام تایبەتمەندییەكی نوێ زیادەكات‌، كە له‌ ڕێگه‌ی ئه‌و تایبه‌تمه‌ندییه‌وه‌ بەكارهێنەر دەتوانێت كۆمێنته‌ كۆنه‌كانی بدۆزێتەوە‌، هاوكاریش دەبێت لە بینی ئه‌و پۆست و وێنانه‌ی كه‌ پێشتر سڕدراونەتەوە.

ماڵپه‌ڕی(GadgeSnow) بڵاویكردەوە، به‌هۆی ئه‌وه‌ی به‌شێك له‌ به‌كارهێنه‌رانی ئینستگرام ڕووبه‌ڕووی ئاسته‌نگ بوونه‌ته‌وه‌ له‌ دۆزینه‌وه‌ی به‌شێك له‌و كۆمێنتانه‌ی كه‌ ماوه‌یه‌كی زۆرە‌ له‌لایه‌ن به‌كارهێنەرانه‌وه‌ نووسراون و ناتوانن بیدۆزنەوە، له‌به‌رئه‌و هۆكاره‌ش تایبه‌تمه‌ندییه‌كی نوێیان بۆ یارمه‌تیدانی به‌كارهێنه‌رانی تۆڕەكە زیادكردووه‌، تاوه‌كو به‌ ئاسانی یارمه‌تیان بدات له‌ سڕینه‌وه‌ و دۆزینه‌وه‌ی ئه‌و كۆمێنتانه‌ی كه‌ كردوویەتی.

ڕوونیشیكردووەتەوە، تایبه‌تمه‌ندییەكە‌ له‌ به‌شی “Your activity” دەدۆزرێته‌وه‌ و به‌م چه‌ند ڕێگایه‌ی خواره‌وه‌ ده‌توانیت كۆمێنتەكانت ببینیت.

یەكەم: كردنەوەی واڵەكەی خۆت و دواتر له‌لای ڕاسته‌وه‌ ئەو سێ هێڵەی هه‌یه‌ و ئه‌و ئایكۆنه‌ هه‌ڵبژێره‌.

پاشان هه‌ڵبژاردنی به‌شی تایبه‌ت به‌ لاپه‌ره‌ تایبه‌ته‌كه‌ت ده‌كرێته‌وه‌.

دواتر هەڵبژاردنی ئایكۆنی “Your activity” ‌ و كلیك له‌ “Interactions” بكه‌ و پاشان كلیك له‌ “Comments” بكه‌.

كۆتا هه‌نگاو كلیك له‌ “Oldest to Newest” بكه‌ و پاشان كلیك له‌ “Apply” بكه‌ و كۆمێنته‌ كۆنه‌كانی خۆت ببینه‌وه‌.