كارلۆ ئەنچیلۆتی ڕاهێنەری ڕیاڵ مەدرید ستایشی ئاستی بەرزی كەریم بنزیمەی فەڕەنسی كرد و جەختیشی كردەوە كە مێندی و یۆڤیچ و هازارد لە یارییەكەی خیتافی بێبەش دەبن.
ئەنچیلۆتی ئاماژەی بەوەدا كە تیپەكەی لەسەر ڕێگەیەكی ڕاست دەڕوات و كۆتایی وەرز دەردەكەوێت كە دەتوانن تا كوێ ڕكابەری بكەن.
پوختەی قسەكانی ئەنچیلۆتی
– یارییەكەی خیتافی زۆر گرنگە پێویستە بۆ سێ خاڵەكە هەوڵ بدەین
– بنزیمە هێشتا لە گەشەكردندایە و لە ڕابەڕایەتی كردنی یانەكە بەردەوامە
– مێندی ڕاهێنانی نەكردوە و پشووم پێداوە ، هێشتا یۆڤیچیش چاكنەبۆتەوە
– ئێمە لەوپەڕی ئاست بەرزیدا نین بەڵام سەلامەتیشین، لەڕوی كۆمەڵەوە ئاستێكی بەرز پێشكەش دەكەین
– قورسە بنزیمە بە یاریزانەكانی پێشوو بەراورد بكەین، گەر بڵێێن وەك ڤان باستن وایە بنزیمە دلخۆش دەبێت بەڵام ڤان باستنیش ئەبێ دڵخۆش بێ
– من گرنگی بەوانە نادەم كە لەدەرەوە قسە دەكەن پێویستە چاوەڕێی كۆتایی وەرز بكەین تا بزانین چیمان بەدەستهێناوە
– هەر كەسێك بێتە ڕیاڵ مەدریدەوە بنزیمە هەر سەرەكی دەبێت
