خوان لاپۆرتا، سەرۆكی بەرشلۆنە دوپاتیكردەوە كە هەمیشە دەرگای یانەكەیان بۆ مێسی كراوەیە و پێشیوایە دێمبلی حەزدەكات بمێنێتەوە.
لە چاوپێكەوتنێكدا سەرۆكی یانەی بەرشلۆنە ڕایگەیاند، هەمیشە ئامادەن بۆ بەخێرهێنانەوەی مێسی.
وتیشی: “دێمبلی حەز بەمانەوە دەكات لە یانەی بەرشلۆنە و پێویستە گفتوگۆكانمان دەستپێبكەینەوە.”
پێشیوایە هێشتا هیوا ماوە بۆ ئەوەی ناسناوی خولی ئیسپانیا بەدەستبهێنن.
بەشێك لە قسەكانی لاپۆرتا:
– دەرگای بەرشەلۆنە هەمیشە بۆ میسی كراوەیە
– هیچ یاریزانێك ناكڕین كە كێشەمان بۆ دروستبكات لە موچەی ساڵانەدا
– گرێبەستی دیمبلی تەواو بووە، بەڵام پێویستە دانیشین و گفتوگۆ دەستپێبكەینەوە، خۆی حەزدەكات بمێنێتەوە.
– بەدەستهێنانی ناسناوی خولی ئیسپانیا هێشتا ئەگەری هەیە، بەڵام سەرەتا دەبێت لە ئیشبیلیە ببەینەوە
– ئیمزاكردنی گرێبەست لەگەڵ چاڤی یەكێك بوو لە باشترین بڕیارەكانی كاری سەرۆكایەتیم
– مەمنون دەبم گەر میسی پەیوەندی بكات و بڵێت دەگەڕێمەوە
