بەپێی توێژینەوەیەکی نوێ، خواردنی چەند جۆرێک میوە و سەوزەی گەڵادار، یارمەتیدەرە لە کەمکردنەوەی مەترسییەکانی نەخۆشیی زەهایمەردا، کە لەگەڵ هەڵکشانی تەمەندا هەندێک خەڵک تووشیدەبن.
توێژینەوەکە ئاشکرایکردووە، ئەو کەسانەی هیچ نیشانەیەکی خەڵەفان یان زەهایمەریان نییە، ڕۆژیی لایەنی کەم ژەمێک لە سەوزە گەڵادارەکانی وەک کەلەرم، برۆکۆلی و کاهوو دەخۆن.
بەپێی پێگەی “timesnownews”، ئەگەر لە خێزانەکەتدا حاڵەتی زەهایمەر هەبوو، ئەوا مەرج نییە تۆش تووشببیت، بەڵام خواردنی بەردەوامی میوە و سەوزە لە خۆپارێزیدا یارمەتیدەرت دەبێت.
لیستی خۆراکە پێویستەکان بۆ خۆپاراستن لە زەهایمەر، بەم جۆرەی خوارەوەیە:
میوە
سەوزە گەڵادارەکانی وەک سپیناخ، کەلەرم، برۆکۆلی و کاهوو
دانەوێڵەی تەواو (ساغ)، وەک گەنم و جۆ و کونجی
سەوزە گەڵادارەکان بە دەوڵەمەندترین سەرچاوەی ترشی فۆلیک و ڤیتامین “A” و “C” و ڕیشاڵەکان و دژەئۆکسانەکان دادەنرێن، سەرجەم ئەم ماددانەش یارمەتیدەرن لە بەهێزکردنی تەندروستیی دوورمەودای مێشکدا.
زۆربەی توێژینەوەکان جەختیان لەسەر ڕۆڵی خۆراکی تەندروست کردووەتەوە بۆ خۆپاراستن لە کێشەکانی پیری و هەڵکشانی تەمەن، هەروەها پسپۆڕانی تەندروستی، خۆراکی گونجاو بە یەکێک لە باشترین ڕێگەکان دادەنێن، بۆ ڕێگرتن لە خەڵەفان و لاوازبوونی مێشک لە کاتی هەڵکشانی تەمەندا.
