ئیدارەی یانەی ڕیاڵ مەدرید ناچێتە نێو هاوکێشەی ئێرلینگ هالاندەوە، بڕیاریشیانداوە بە پلانێکی تایبەت هەوڵ بۆ گواستنەوەی بدەن.
ڕۆژنامەی “ئەی ئێس”ی ئیسپانی بڵاویکردووەتەوە، فلۆرنتینۆ پێرێزی سەرۆکی یانەی شاهانە بڕیاریداوە هەمان ئۆفەری دارایی یانەی مانچستەر سیتی پێشکەشی هالاند نەکات و دووپاتیکردووەتەوە، چاوەڕوانی بڕیارێکە لەلایەن یاریزانەکەوە بۆ هەڵبژاردنی پڕۆژەی ڕیاڵ مەدرید، یان هەوڵدان بۆ مووچەی خەیاڵی و گواستنەوە بۆ مانچستەر سیتی.
بەپێی زانیاریی ڕۆژنامەکانی مارکا و بێلد سپۆرت، بەڕێوەبەرانی مێرەنگی پێیان وایە هێرشبەرەکەی نەرویج دەبێت هاوشێوەی کیلیان مباپێ بیربکاتەوە و مووچەی خەیاڵی یانە سەرمایەدارەکان ڕەتبکاتەوە، ئەگەر ئەو هەنگاوەش نەنێت، پێرێز و هاوکارانی بەهیچ شێوەیەک ئامادەنین وەک ئیدارەی سیتیزنس ساڵانە 50 ملیۆن یورۆ مووچەی بۆ تەرخان بکەن.
بێلد سپۆرت نووسیویەتی، پێرێز بە بەڕێوەبەرایەتی دۆرتمۆندی ڕاگەیاندووە، ئامادەیە بڕگەی هەڵوەشاندنەوەی گرێبەستی هالاند بە (75 ملیۆن یورۆ) چالاک بکات، بەو مەرجەی یاریزانەکە ئامادەبێت درێسی سپۆی لۆس بلانکۆس بپۆشێت.
