وەزیری پێشمەرگە بڕیاریدا بە دروستكردنی لیژنەیەكی هاوبەش لەنێوان یەكە سەربازییەكانی 70 و 80ی پێشمەرگە تا لە ڕێگای ئەو لیژنەیەوە هەنگاوەكانی یەكخستنەوەی هێزەكان و ڕیفۆرمی سەربازیی خێراتر بكرێن.
بەپێی ڕاگەیەندراوێكی وەزارەتی پێشمەرگە كە ئەمڕۆ سێشەممە بڵاویكردووەتەوە، شۆڕش ئیسماعیل، وەزیری پێشمەرگە لەگەڵ فەرماندە سەربازییەكانی یەكەی 70 و 80 و ڕاوێژكارانی نێودەوڵەتیی هاوپەیمانان كۆبووەوە و جەخت لەسەر یەكخستنەوەی هێزەكانی پێشمەرگە كرایەوە.
بەپێی ڕاگەیەندراوەكە، لە كۆبوونەوەكەدا هەنگاوەكانی یەكخستنەوەی هێزەكانی پێشمەرگە و یەكەكانی 70و 80ی پێشمەرگە بۆسەر وەزارەت جەختیان لێكرایەوە، وەزیری پێشمەرگە بڕیاردرا لیژنەیەكی هاوبەش لەنێوان یەكە سەربازییەكانی 70 و 80ی پێكبهێنرێت تا لەو ڕێگایەوە هەنگاوەكانی یەكخستنەوەی هێزەكان و ڕێفۆرمی سەربازی خێراتربكرێن.
