ئەمڕۆ یارییەكانی گەڕانەوەی قۆناغی شانزەی خولی یانە پاڵەوانەكانی ئەوروپا بەڕێوەدەچن و یاریی لوتكەش لە نێوان مانچستەر یونایتدی ئینگلیزی و ئەتلەتیكۆمەدریدی ئیسپانی دەبێت.
ئەو یارییە كاتژمێر 11ی شەو لە یاریگای ئۆڵدترافۆرد بەڕێوەدەچێت.
ڕاڵف ڕانیگ، ڕاهێنەری مانچستەر یونایتد جەختی كردەوە لەوەی سەرجەم یاریزانەكانی بۆ ئەو یارییە ئامادەن و هیچیان پێكانیان نییە.
ئاماژەی بە گرنگی ڕۆناڵدۆی پورتوگالیش دا لە پێكهاتەكەیدا و هیوای خواست وەك یارییەكەی تۆتنهام دەربكەوێت.
یاریی رابردووی نێوان مانچستەر یونایتد و ئەتلەتیكۆمەدرید لە ئیسپانیا بە گۆڵێك بۆ هەردولا كۆتایی هاتووە.
لە هەمان كاتدا و كاتژمێر 11 یانەی ئەیاكسی هۆڵەندی میوانداری یانەی بەنفیكای پورتوگالی دەكات.
یاریی ڕابردوو هەردولا بە دوو گۆڵ یەكسان بوون.
