ڕوسیا پێشبڕکێیەک بۆ جوانترین کچە سەربازەکانی وڵاتەکەی ڕێکدەخات بەناونیشانی “جوانی لەپشت جەنگەوە”، ئەوەش دوای دەستپێکردنی هێرش بۆسەر ئۆکرانیا.
لە قۆناغی یەکەمی پێشبڕکێکەدا 40 کێبڕکێکار بەشدارییانکردووە، هەندێکیان سەربە هێزی موشەکی ستراتیژیی ڕوسین.
لە قۆناغی یەکەمدا بەشداربووەکان بە ماکیاژی شەڕکردنەوە دەرکەوتن، هەندێکیشیان لە سەربازانی کەرتی وزە و بە دەمامکی ناوندەکانی غازەوە دەرکەوتوون.
هاوشانی لایەنی جوانی و دەرکەوتنی بەشداربووەکان، پرسیاری گشتی و تایبەتی و سەربازییان ئاراستەکراوە.
هەروەها کێبڕکێکە ڕێزلێنانی بۆ کچە شەڕکەرێکی ڕوسی ئەنجامدا، کە سەربازێکی دیکەی ڕوسی لەناو ئاگرێکدا ڕزگارکردووە لە ئۆکرانیا.
تائێستا میدیا ڕوسییەکان هیچ زانیارییەکیان سەبارەت بە براوەی خەڵاتەکە ئاشکرا نەکردووە.
