وەزارەتی رۆشنبیریی لوبنان خانووەکەی فەیروز دەکاتە مۆزەخانەیەکی هونەری و بەمزووانە ئامادەکارییەکانی بۆ پرۆژەکە دەستپیدەکات.
میدیا عەرەبییەکان بڵاویانکردووەتەوە، وەزارەتی رۆشنبیریی لوبنان بەنیازە خانووەکەی هونەرمەند فەیروز بکاتە مۆزەخانەیەکی هونەری و هەنگاوە سەرەتاییەکانی بۆ دەستپێکردنی پرۆژەکە راگەیاندووە، کە خۆی دەبینێتەوە لە کڕینی زەویی خانووەکە و ئامادەکردن و نۆژەنکردنەوەی.
ئاماژە بەوەشدراوە، خانووەکە لە ساڵانی رابردوودا شوێنی مانەوە و گەورەبوونی هونەرمەندەکە بووە، هەربۆیە لایەنی پەیوەندیدار، دەیەوێت خانووەکە لە لەناوچوون بپارێزێت و بکرێتە بەشێکی گرنگ لە کلتوری و فەرهەنگی هونەری وڵاتەکەیاندا و پارێزگاری لە مانەوەی بکەن.
هونەرمەند فەیروز یەکێکە لە هونەرمەندە ناسراوەکانی هونەری عەرەبی بە گشتی و هونەری لوبنانی بە تایبەتی، لە ساڵی 1935 لە وڵاتی لوبنان لەدایکبووە و خاوەنی چەندین گۆرانی و بەرهەمی هونەرییە.
