وەزارەتی کارەبای حکومەتی هەرێمی کوردستان، بڕیاریدا بە درێژکردنەوەی ماوەی لێخۆشبوونی 15% بۆ قەرزی کارەبای سەر هاوڵاتییان تا کۆتایی مانگی ئایار.
لە نووسراوێکدا کە وەزارەتی کارەبای حکومەتی هەرێمی کوردستان ئاراستەی پارێزگاکانی هەرێمی کوردستان و ئیدارە سەربەخۆکانی کردووە، وەزارەتەكە بڕیاریدا بە درێژکردنەوەی ماوەی لێخۆشبوون لە قەرزی کارەبا بەبڕی 15% لە سەرجەم هاوبەشانی کارەبا.
وەزارەتی کارەبا ڕایگەیاندووە، بڕیارەکە لە 10/3/2022 کاری پێدەکرێت تاوەکو 31/5/2022.
