بافڵ جەلال تاڵەبانی بۆ حەلبووسی: ھیوادارم لەم ئەرکە نیشتمانی و چارەنووسسازەدا بۆ قۆناغی ئەمڕۆی عێراق سەرکەوتووبن

دوای هەڵبژاردنەوەی بۆ سەرۆکایەتی خولێکی دیکەی ئەنجوومەنی نوێنەرانی عێراق، بافڵ جەلال پیرۆزباییەکی ئاڕاستەی محەمەد حەلبووسی کرد و ڕایگەیاند، بەبۆنەی ھەڵبژاردنەوەتان بە سەرۆکی ئەنجومەنی نوێنەرانی عێراق و بەدەستھێنانی متمانەی زۆرینەی پەرلەمانتاران، گەرمترین پیرۆزبایتان لێدەکەم.

بافڵ جەلال تاڵەبانی ڕاشیگەیاندووە “ھیوادارم لەم ئەرکە نیشتمانیی و چارەنووسسازەدا بۆ قۆناغی ئەمڕۆی عێراق سەرکەوتووبن و لەسەر دەستی ئێوە و خەمخۆرانی عێراقی فیدڕاڵ، پەیوەندی باشتر لەنێوان دەسەڵاتەکانی یاسادانان و جێبەجێکردن بنیادبنرێت، لەپێناو خزمەتکردنی زیاتری گەل و وڵات و زاڵبوون بەسەر ئاڵنگارییەکان و ریشەکێشکردنی گەندەڵی. کە ئەمە ئامانجێکی باڵایە و ئەبێت ھەموومان پێکەوە ھاوکاربین و لە پێناویدا خەبات بکەین”.

له‌ دانیشتنه‌كه‌ى ئه‌مڕۆی ئه‌نجومه‌نى نوێنه‌ران محه‌مه‌د حه‌لبووسی به‌سه‌رۆكى ئه‌نجومه‌نه‌كه‌ هه‌ڵبژێردرایه‌وه‌ و چێوه‌ى هه‌ماهه‌نگیی شیعه‌كان و چه‌ند لایه‌نێكى دیكه‌ش بایكۆتى دانیشتنه‌كه‌یان كرد.

پرۆسه‌ى جیاكردنه‌وه‌ى ده‌نگى كاندیدانى سه‌رۆكى ئه‌نجومه‌نى نوێنه‌ران به‌ڕێوه‌چوو، له‌كۆی ده‌نگى 228 ئه‌ندامى به‌شدار له‌ كۆبوونه‌وه‌كه‌دا 200 ده‌نگ به‌ محه‌مه‌د حه‌لبووسی دران و مه‌حمود مه‌شهه‌دانى ڕكابه‌ریشی 14 ده‌نگى به‌ده‌ستهێنا، به‌وه‌ش محه‌مه‌د حه‌لبووسی جارێكى دیكه‌ به‌ سه‌رۆكى ئه‌نجومه‌نى نوێنه‌ران هه‌ڵبژێردرایه‌وه‌.

بابەتی پێشتر

چەند زانیارییەک دەربارەی یەکێک لە بەناوبانگترین زاناکانی جیهان

بابەتی دواتر

کامیرۆن 2-1 بورکینا فاسۆ

بابەتی پەیوەندیدار
زیاتر ببینە

بافڵ تاڵەبانی بۆ بەرپرسی مەڵبەندەكان: ئەندامانی یەکێتی لەم ھەنگاوانەی چاکسازی لە حیزب و حکومەت ئاگاداربکەنەوە

بافڵ تاڵەبانی، ھاوسەرۆکی یەکێتیی نیشتمانیی کوردستان لە دەباشان لەگەڵ لێپرسراوی سەرجەم مەڵبەندەکانی یەکێتی کۆبووەوە و ڕاشیسپاردن کادران و…
Total
0
Share