پێشنیوەڕۆی ئەمڕۆ ڕووداوێکی هاتوچۆ لە سنووری ناحیەی خەلەکان ڕوویدا و لەئەنجامدا حەوت کەس بوونە قوربانیی.
پەیامنێری تۆڕی میدیایی ئێستا لە ڕاپەڕین گواستییەوە، “پێشنیوەڕۆی ئەمڕۆ لە گوندی شێخ مەنسوڕییان لە ناحیەی خەلەکان روداوێکی هاتوچۆ لە نێوان بارهەڵگرێک و ئۆتۆمبێلێک لە جۆری تۆیۆتا هایلوکس ڕوویداوە”.
ڕوونیشیکردەوە، “لەئەنجامی ڕووداوەکەدا چوار کەس گیانیان لەدەستداوە و سێ کەسی دیکەش برینداربوون”.
ئاشکراشیکرد، “زۆرینەی قوربانییەکان خەڵکی ڕۆژهەڵاتی کوردستانن، لەئێستادا بریندارەکان بۆ نەخۆشخانە و تەرمەکانیش بۆ پزیشکی دادوەری سلێمانی گواستراونەتەوە”.
