كارلۆ ئەنچلۆتی ڕاهێنەری ڕیاڵ مەدرید پێیوایە تیپەكەی لەتوانایدا هەیە ڕكابەری پاریس سانجێرمان بكات و جەختیشیكردەوە كە هاندەران ڕۆڵێكی گرنگ دەبینن لەدەرەوەی یاریگادا.
ئاماژەی بەوەشدا كە هەر یاریزانێك لەسەدا سەد ئامادە نەبوو، یاریی بەرناكەوێت.
– بەشێوەیەكی باش كارمان كردوە لەسەر لایەنی جەستەیی
– ئێمە دەزانین یاریی ڕابردوو باش نەبوین بەڵام دڵنیاین ئەمجارە بە ئاستێكی باشەوە دەردەكەوین
– كامافینگا یارییەكی باشی كرد بەرامبەر سۆسیداد دوورنییە لەم یاریەدا سەرەكی بێت
– یاریی ڕابردوو هەلی گۆڵمان دروست نەكرد نەمانتوانی پلانی خۆمان جێبەجێ بكەین
– كاتێك دەدۆڕێین هەمومان پێكەوە دۆڕاوین، پێویستە لە ڕكابەریكردنی چامپیۆنزلیگ بەردەوام بین
– هیوادارم مباپی پێكانەكەی قورس نەبێ وەك دەڵێن دەتوانێت یاریی بكات
– پێویستە یارییەكە ببەینەوە نەك زۆرترین گۆڵ بكەین سەرەتا دەبێت هەوڵ بۆ بردنەوە بدەین
یاریزانێك لەسەدا سەد ئامادەنەبێ یاریی ناكات ئەگەر كروس لەسەدا ٩٥ ئامادەبێت یاریی بەرناكەوێت
– پلانەكەمان بۆ ڕاگرتنی مباپی نییە بە تەنها مێسی و نەیماریش وەك ئەو مەترسیدارن پلانەكە ئەوەیە بۆ ماوەی ٩٠ خولەك وەك یەك تیم یاریی بكەین
