خاوەنی ژمارەی پێوانەیی جیهان لە ڕاکردنی ماوەدرێژی ماراسۆن، ئیڵیۆد کیپچۆجی لەسەر ئاستی پیاوان و بریجید کۆسیجی لەسەر ئاستی کچان، پلەی یەکەمی ماراسۆنی تۆکۆ-یان بەدەستهێنا.
ڕاکەرە کینی-یەکان، توانیان کۆنتڕۆڵی ماراسۆنەکە بکەن، لەسەر هەردوو ئاستی کوڕان و کچان پلەی یەکەم و دووەمیان بەدەستهێنا.
کیپچۆجی ماوەی ماراسۆنەکەی بە دوو کاتژمێر و دوو خولەک و 40 چرکە بڕی، ئەوەش چوارەم ناسناوی ماراسۆنە لە تەمەنی وەرزشییدا بەدەستی دەهێنێت، دوای خەڵاتەکانی چیکاگۆ (یەک جار)، بەرلین (سێ جار)، لەندەن (چوار جار).
پلەی دووەمی ماراسۆنەکە لەسەر ئاستی کوڕان، بۆ ئامۆس کیبرۆتۆی هاونیشتیمانی کیپۆجی بوو، پلەی سێیەمیش تامیران تۆلای ئیسیوپی بەدەستیهێنا.
بەشێوەیەکی گشتی، لە ماراسۆنی تۆکیۆ 138 ڕاکەری پڕۆفیشناڵ بەشداربوون، لەنێوانیاندا 105 کوڕ و34 کچ.
