کەنەدا بووبە یەکەم وڵات کە ڕێگەیدا بە بەکارهێنانی ڤاکسینی دژە کۆرۆنای ڕووەکی.
سیستمی تەندروستیی کەنەدا ڕایگەیاند، ڤاکسینی میدیکاگۆ کە بە دوو ژەم دەدرێت دەتوانرێت لەلایەن کەسانی پێگەیشتووەوە وەربگیرێت، واتە ئەوکەسانەی تەمەنیان لەنێوان 18 بۆ 64 ساڵدایە.
ئەو بڕیارە پشتیبەستووە بە توێژینەوەیەک کە لەسەر 24 هەزار کەسی پێگەیشتوو کراوە، ئەنجامەکان دەریانخستووە ڤاکسینەکە بەڕێژەی 71% کاریگەرە، توێژینەوەکە بەرلە سەرهەڵدانی گۆڕاوی ئۆمیکرۆن ئەنجامدراوە.
ڤاکسینەکە لە دروستکردنیدا پشتبە ڕووەک بەستراوە، بەزیادکردنی ماددەیەکی پاڵپشتیکەری دیکەی بەرگریی کەلەلایەن کۆمپانیایەکی بەریتانییەوە بەرهەمهێنراوە.
کۆمپانیای میدیکاگۆی بەرهەمهێنەری ئەو ڤاکسینە کە کاری دروستکردنی ڤاکسینە ڕووەکییەکانە، پێشتر ڤاکسینی ڕووەکیی بۆ ژمارەیەک نەخۆشیی دیکە دروستکردووە، بەرهەمهێنەری ئەو ڤاکسینەیە دژی کۆرۆنا.
