ڕۆژی ڤالانتاین لە چاکەی قەشەیەکی گەنجی ئیمپراتۆرییەتی ڕۆمانییەوە هاتووە، کە لە سەردەمی حوکمی کلاودیۆسی دووەمدا یارمەتیی کوڕان و کچانی داوە هاوسەرگیری بکەن.
لە سەدەی سێیەمدا ئیمپراتۆری ڕۆما هاوسەرگیریی لە کوڕانی سینگڵ قەدەغەکردووە، بۆ ئەوەی سەرقاڵی ماڵ و منداڵ نەبن و تەنیا خەریکی ئەرکە سەربازییەکانیان ببن. ڤەلانتینۆسی قەشەی گەنج ئەمەی بە خراپە زانیوە و وەک چاکەیەک، بە دزیی ئیمپراتۆر و یاساکەیەوە هاوسەرگیریی بە کوڕان و کچانی ئەویندار کردووە.
دواتر ئیمپراتۆر کلاودیۆس بەم سەرپێچییانەی قەشەکە دەزانێت و دەیخاتە زیندانەوە، بە ماوەیەکی کەم پاش زیندانیکردنیشی حوکمی لەسێدارەدانی بۆ دەردەچێت و لەسێدارە دەدرێت.
