ناوەندی “کریستیز” بۆ زیادکردن و فرۆشتن، سەرقاڵی ئامادەکارییە بۆ فرۆشتنی تابلۆ بەناوبانگەکەی کۆشکی سپی.
تابلۆکە ناوی “واشینگتن بە دێلاواردا تێدەپەڕێت”ە و لە حەفتاکانی سەدەی پێشووەوە لە کۆشکی سپیی ئەمریکا هەڵواسراوە تا ساڵی 2014.
ئەم تابلۆیە لەلایەن ئیمانوێل لوتس هونەرمەندی ئەمریکیی بە ڕەگەز ئەڵمانییەوە کێشراوە و تەنیا یەک نوسخەی دیکەی هەیە، بۆیە پێشبینیدەکرێت بە نزیکی 20 ملیۆن دۆلار بفرۆشرێت.
تابلۆکە جۆرج واشینگتن یەکەمین سەرۆکی ویلایەتە یەکگرتووەکان نیشاندەدات، کاتێک لە سەروبەندی شۆڕشی ئەمریکیدا لەگەڵ سوپاکەی ڕوباری “دێلاوار” دەبڕێت.
