لە ڕووداوێكی دەگمەندا باڵندەیەكی جۆری فلامینگۆ لە سنوری برادۆست دۆزرایەوە و بەخێوكاری ئێستای باڵندەكه دەڵێت، ڕۆژانە چاودێری دەكەم.
پاش ماوەیەك لە فڕین، باڵندەكە لە نزیك شوێنی ئەركی سەربازیی فەیسەڵ نیشتووەتەوە و ئەو وتی، “دیاربوو کە ھیچ شوێنێکی نەبوو بۆی بڕوات و زۆر ھیلاکی پێوە دیاربوو بۆیە چومە لای و گرتم و ئێستاش لە ماڵەوە بەخێوی دەكەم”.
فلامینگۆ باڵنده‌یه‌كی قاچ و مل باریكی كه‌نار ده‌ریاكانی ئه‌وروپایه، نیشتمانی ده‌كه‌وێته باشووری كه‌ناره‌كانی دورگه‌ی كاریبی له ئه‌وروپا، بەڵام توانای فڕینێكی زۆریان هه‌یه و هه‌ندێك جار له نێوان كیشوه‌رەكان كۆچ ده‌كه‌ن.
فەیسەڵ كە لەئێستادا ڕۆژانە چاودێری باڵندەكە دەكات ئەوەشی خستەڕوو، بۆ یەکەمجارە باڵندەی جۆری (فلامینگۆ) لە دەڤەری ئێمەدا دەدۆزرێتەوە.
ئه‌م باڵنده‌یە، كە لە خێزانی لەقلەقن، حه‌ز به گه‌رما و ئاو ده‌كه‌ن و ڕووه‌ك خۆرن، جۆره‌ها ڕه‌نگی هه‌یه و باوترینیان ڕه‌نگی سپی و په‌مه‌یی و شینه.
فلامینگۆ له ساڵێكدا دوو هێلكه ده‌كات و یه‌ك دانه‌یان ده‌بێت به باڵنده، به‌رده‌وام به‌كۆمه‌ڵ ده‌ڕۆن، له‌كاتی خه‌وتندا به پێوه ده‌وه‌ستن و سه‌ریان ده‌خه‌نه ژێر باڵیانه‌وه.
