لە نەخۆشخانەكانی ناو سەنتەری سلێمانی ئەمڕۆ 237 منداڵ لەدایكبوون، پێدەچێت بەشێكیان بەهۆی جوانیی ڕێككەوتی لەدایكبوونەكەوە بێت.
سامان شێخ لەتیف، بەڕێوبەری ڕاگەیاندنیی تەندروستیی سلێمانی ڕایگەیاند، ئەمڕۆ كە هاوكاتە لەگەڵ ڕێككەوتی 2022/2/2 لە نەخۆشخانەكانی ناو سەنتەری سلێمانی 237 منداڵ لەدایكبوون.
ڕوونیشیكردەوە، لە نەخۆشخانەی منداڵبوونی فێرکاری 33 منداڵ، لە نەخۆشخانە تایبەتەکانیش 204 منداڵ لەدایكبوون.
زیادەی بەرچاوی ژمارەكە پێدەچێت بگەڕێتەوە بۆ خواستی دایك و بابان بۆ هەڵبژاردنی ڕێكەوتێكی جوان بۆ لەدایكبوونی كۆرپەكانیان.
