ڕاهێنەری یانەی بایرن میونشن، جولیان ناگیلسمان بەهۆی وڕێنەی شەوانەوە ژیانی لە هاوسەرەکەی تاڵ کردووە و ڕێگە نادات کاتەکانی خەوتنی بەبێ کێشە بەڕێبکات.
ناگیلسمان لە چاوپێکەوتنێکدا بە گۆڤاری “بایرن میونشن 51″ی ڕاگەیاندووە، “لەکاتی خەویشدا تاکتیک دادەرێژم، بەدەنگی بەرز هاواردەکەم و ناوی یاریزانەکانم دەهێنم، ئەوەش گەورەترین کێشەی خەوی بۆ ڤیرین-ی هاوسەرم دروستکردووە، تووشی کەمخەویم کردووە”.
هەروەها دەڵێت، “بەهۆی 90 خولەکی یارییەکان و قورسی کێبڕکێکانەوە، تووشی ئاستەنگی دەبم لە خەودا، بەکاتێکی زۆر دەتوانم خۆم لە دەڵەڕاوکێ ڕزگاربکەم”.
لەدوایین وتەکانیشیدا دووپاتیدەکاتەوە، دوای بردنەوە بە ئەنجامی چوار گۆڵ بەرامبەر یانەکانی کولن و هێرتا بەرلین، هەروەها گرتنی پێشەنگی بەجیاوازی شەش خاڵ، هیوادارە پیشوەخت ناسناوی بوندس لیگا یەکلاییببێتەوە، ئەویش لە دڵەڕاوکێ ڕزگاری ببێت.
جولیان ناگیلسمان، ساڵی 2018 هاوسەرگیری لەگەڵ ڤیرین-ی هاوڕێی منداڵی و خۆشەویستی هەمیشەییدا کردووە، خاوەنی دوو منداڵن.
