کیژۆڵەیەکی بەریتانی بەهۆی سەرکێشییەوە ساڵی 2020 لە یانەکەی دەرکتا، لە ساڵی 2021 بووە یەکێک لە کیژۆڵە ملیۆنێرەکانی وڵاتەکەی.
مادلین ڕایت، کیژۆڵەیەکی بەریتانییە و یاریزانێکی بەتوانای تۆپی پێیە، ساڵی 2020 لەکاتی کەرەنتینی گەلی بەریتانیا، دەرکەوت بەشداریی ئاهەنگێکی سەرکێشانەی کردووە، گرتەکانی لە تۆڕە کۆمەڵایەتییەکان بڵاوبووەوە سەرقاڵی هەڵمژینی گازی هیلیۆم و خواردنەوەی خواردنەوە کحولییەکان و ئاهەنگێڕانە، لەگەڵ ئەوانەشدا لە سناپ چاتەوە گرتەیەکی دیکەی بڵاوکردەوە، بەهۆی خواردنەوە کحولییەکانەوە بێهۆشە و بە پێیەکانی ئوتۆمبێلە “ڕەینج ڕۆڤەر”ــەکەی لێدەخوڕێت.
بەوهۆیەوە مادلین لە تیپی کچانی یانەی چارلتۆن دەرکرا و لەوکاتەدا ڕایگەیاند، کە هەست بە شەرمەزاری دەکات، هەستدەکات کەسانی چواردەوری سەرشۆڕکردووە.
لەئێستادا مادلین دەستی بەکاری مۆدێل کردووە، فانەکانی لە ئینستگرام لە 20 هەزارەوە بۆ 268 هەزار زیادیانکردووە، وێنە و گرتەکانی بڵاودەکاتەوە کە بەجیهاندا دەگەڕێت، هەروەها بەشدارە لە بەرنامەی “ئۆنلی فانس”، تەنها لەڕێگەی ئەو ماڵپەڕەوە لە شەش مانگی ڕابردوودا 500 هەزار پاوەندی کۆکردووەتەوە.
View this post on Instagram
لەچاوپێکەوتنێکدا بە ڕۆژنامەی “زە سەن”ی ڕاگەیاندووە، “کۆمپانیاکان بەهۆی ناوبانگ و جوانییەکەمەوە هەوڵی واژووکردنی گرێبەست دەدەن لەگەڵم، تەنانەت کۆمپانیایەکی دروستکردنی پێڵاوی وەرزشی ئامادەییان نیشانداوە بە پارەی خەیاڵی کارم لەگەڵدا بکەن، بەڵام من خەونم گەڕانەوەیە بۆ نێو بواری تۆپی پێ”.
