لە باشووری بەغداد “تەنێكی نامۆ” بە سێ منداڵدا تەقییەوە و دووانیان كوژران و سێیەم بریندارە.
بەپێی سەرچاوە ئەمنییەكان، سێ منداڵ لە قەزای مەحمودییەی باشووری بەغداد كە كاریان گەڕانە بەدوای كانزا و نایلۆن لەناو خاشاكدا، “تەنێكی نامۆ” پێیاندا تەقیوەتەوە.
سەرچاوەكان دەڵێن، “تەنەكە لەناو توورەكەیەكی نایلۆندا بووە و لەكاتی دەستكاریكردنیدا بە سێ منداڵەكەدا تەقیوەتەوە و دووانیان كوژراون كە كوڕ و كچێكن و سێیەمیان كە ئەویش كوڕە بریندارە”.
تا ئێستا لایەنە ئەمنییەكان وردەكاریی زیاتریان لەبارەی تەقینەوەكەوە ئاشكرانەكردووە و ئامرازی تەقینەوەكەیان بە “تەنێكی نامۆ” ناوبردووە.
