ڕاهێنه‌ری پێشووی هه‌ڵبژارده‌ی ئیسپانیا، ڤیسینتی دێل بۆسکی ده‌چێته به‌ره‌ی ئه‌و وه‌رزشکارانه‌ی که مێسی له مارادۆنا به‌باشتر له قه‌ڵه‌مده‌ده‌ن.
دێل بۆسکی به ڕۆژنامه‌ی سپۆرتی که‌ته‌لۆنی ڕاگه‌یاندووه، ” زیاتر پێموایه مێسی له مارادۆنا باشتره، لیۆ زۆر باشه و به‌شداری تۆمارکردنی ڕێژه‌یه‌کی زۆری گۆڵی کردووه، بۆچوونه‌کانم ناشارمه‌وه، به‌پێی ئه‌وه‌ی له هه‌ردوو یاریزانه‌که‌م بینیوه ده‌توانم به‌بێ دوودڵی باشترینیان ده‌ستنیشانبکه‌م، که مێسییه”.
بابه‌تی هه‌ڵبژاردنی یه‌کێک له مێسی یان مارادۆنا وه‌ک باشترینی ئه‌رجه‌نتین بۆ وه‌رزشکاران مشتومڕێکی زۆری له‌سه‌ره.
دێل بۆسکی ده‌چێته به‌ره‌ی ئه‌و یاریزان و ڕاهێنه‌رانه‌ی که پێیان وایه، مێسی کاریگه‌ری له مارادۆنا زیاتر بووه و چه‌ندین ناوداری وه‌ک سێر ئه‌لێکس فێرگسۆن و سێرجیۆ ڕامۆس و ماریۆ کیمپس له‌خۆده‌گرێت.
له جه‌مسه‌ره‌که‌ی دیکه‌ش که مارادۆنا وه‌ک باشترین هه‌ڵده‌بژێرن، چه‌ندین ئه‌فسانه‌ی وه‌ک پیلێ و باتیستۆتا و فیگۆ و زیکۆ بوونیان هه‌یه.
