ئهستێرهی لاوی نهرویجی، مارتن ئۆدیگارد ئاستی کێبڕکێی ناوهندکارانی یانهی ڕیاڵ مهدریدی بهرزکردووهتهوه و چاوهڕواندهکرێت له داهاتوودا ببێته خاڵی وهرچهرخانی شکستهکانی زێدان بۆ سهرکهوتن.
کاسیمێرۆ تووشی کۆرۆنا بووه و ڤاڵڤێردی پێکراوه، ئیسکۆ ئالارکۆنی ئیسپانی ئاستی دابهزیوه و له کۆی 80 خولهک بهرانبهر ڤالێنسیا تهنها دوو هێرشی پچڕاندووه، ئۆدیگارد له 28 خولهکدا دوو تۆپی پچڕاندووه و گۆڵێکی ڕهخساندووه.
ڕۆژنامهی ئاسی ئیسپانی دووپاتیدهکاتهوه، دهرگا بهڕووی گهوههره نهرویجیهکهدا کراوهتهوه و له ماوهی 33 ڕۆژی داهاتوودا پێگهیهکی سهرهکی له پێکهاتهکانی زینهدین زێدان مسۆگهر دهکات، لهو ماوهیهدا 10 یاری ئهنجامدهدهن لهسهرجهم خول و پاڵهوانێتیهکان.
له ئێستاشدا تهنها سێ یاریزان کێبڕکێی ئۆدیگارد دهکهن بۆ پێگهی ناوهندی هێرشبهری، ئهوانیش تۆنی کرۆس ولوکا مۆدریچ و ئیسکۆن، بهڵام ئیسکۆ ئاستی بهرهوخوار هاتووه و تهنها دووانه ئهزموندارهکهی دیکه دهمێننهوه، ئهوانیش بههۆی پێکانی ڤاڵڤێردی و کاسیمێرۆ دهکرێت هاوشانی ئۆدیگارد سهرهکی یاریبکهن و نهبنه مهترسییهک بۆ داهاتووی نهرویجییهکه.
