لە کاتێکدا کە جۆبایدن و دۆناڵد ترەمپ هەردوو کاندیدی دیموکراتەکان و کۆمارییەکان سەرکەوتنی خۆیان لە هەڵبژاردنەکاندا ڕادەگەیەنن کانیە ویست، ڕاپەری ناسراوی ئەمریکی و هاوسەری مۆدێلی بەناوبانگی ئەمریکی کیم کارداشیان، شکستی لە هەڵبژاردنەکەدا قبوڵ کرد.
کانیە ویست، لەکاتی خۆ کاندیدکردن بۆ هەڵبژاردنی سەرۆکایەتی ئەمریکا ڕایگەیاند کە خۆی کاندید کردووە و وەک کاندیدێکی سەربەخۆ دەیەوێت بەرەو کۆشکی سپی بچێت، بەڵام لە هەڵبژاردنەکاندا تەنها 60 هەزار دەنگی بەدەستهێنا.
ویست لە تۆڕی کۆمەڵایەتی تویتەر وێنەیەکی بڵاوکردەوە کە ڕێژەی دەنگەکانی دۆناڵد ترەمپ و جۆبایدنی لە تەنیشتەوە بوو و ڕایگەیاند، شکستی لە هەڵبژاردنەکەدا قبوڵکردووە و ئامادەیە بۆ هەڵبژاردنەکانی داهاتوو، واتە ساڵی 2024جارێکی دیکە خۆی کاندید بکاتەوە.
تا ئێستا لە دەنگی جیاکراوەی ویلایەتەکان جۆبایدنی کاندیدی دیموکراتەکان ڕێژەی دەنگەکانی لە پێشە و 264 کورسی نوێنەرانی بەدەستهێناوە و دۆناڵد ترەمپی کاندیدی کۆمارییەکانیش 214کورسی نوێنەرانی بە دەستهێناوە.
