سەرۆكی نوێی ئەمریكا پەیوەندییەكی لەگەڵ هاوتا فەڕەنسییەكەی ئەنجامدا و هەردوولا جەخت لەسەر دۆسیەی ئەتۆمی ئێران و پرسی لوبنان هەماهەنگی نیشاندەدەن.
جۆ بایدن، سەرۆكی ویلایەتە یەكگرتووەكانی ئەمریكا ئێوارەی ڕۆژی یەكشەممە 24ی كانونی دووەم پەیوەندییەكی تەلەفۆنی لەگەڵ ئیمانوێل ماكرۆن، سەرۆكی فەڕەنسا ئەنجامدا و پەیوەندییە دوو قۆڵییەكانی نێوانیان تاوتوێكرد، وەك ئەوەی لە بەیاننامەیەكی كۆشكی سپی-دا هاتووە.
ماكرۆن هەماهەنگی لەگەڵ ویلایەتە یەكگرتووەكان لە دۆسیەی ئەتۆمی ئیران و دۆخی لوبنان نیشانداوە.
سەرۆكی فەڕەنسا باسیشی لە پابەندی بایدن بە هاندانی پەیوەندییە ئەتڵەسییەكان كردووە، لەڕێی ناتۆ و هاوبەشی ئەمریكا لەگەڵ یەكێتیی ئەوروپا، وەك ئەوەی میدیاكان بڵاویانكردوەتەوە.
هەردوو سەرۆك ڕێككەوتون لەسەر گرنگی پشتیوانیكردنی وڵاتە لاوازەكان لە ڕوبەڕوبوونەوەی پەتای كۆڤید-19 و، پێویستی بوژاندنەوەی ئابوریی جیهان.
